நகைச்சுவை ...!




ரமா எங்கடி போற ...

அதுவா அக்கா குழந்தை வாரம் கேட்டு சாமியாரப் பாக்கப் போறேன்

முதல்ல உங்க மாமியார காசிக்கு அனுப்பு அப்புறம் குழந்தைச் செல்வம் என்ன எல்லா செல்வமும் உன் வீடு தேடி வரும்

எப்படிக்கா ...?

ரெண்டும் சந்நியாசி பேய்கள் .....

ஹா ஹா ஹா ஹா




குழந்தை கவிதை ...!



நஞ்சு திங்களாகி
நவரசத் தாலாட்டில்
பிஞ்சு குழந்தையாய்
பஞ்சு மெத்தைதனில்
பாலாடை வாசம் கண்டு
கொஞ்சும் தந்தையுனை

அள்ளி அணைக்கையில்
ஆருயிர் ரெண்டும்
ஆகாயத்தைத் தொட்டது போல்

வஞ்சிய வாய்களுக்கு
வாரிசு நானிருக்கேன் என்று
செல்லச் சிரிப்பாலே
செவ்விதனில் உரைத்தவளே

எங்கள் செஞ்சோற்று
கடன் தீர்த்து தன் சோற்று
தலைமுறை காக்கும் குலமகளே
நீ வாழ்க பல்லாண்டு
வளர்க நூறாண்டு !



ஹைக்கூ - குழந்தை


கருவுக்கு  விடுதலை 
மகிழ்ச்சி
கடவுளாய் குழந்தை ...!



தாசியானாள் 
கண்ணகி
டெஸ்டியூப் பேபி ...!



ஹைக்கூ - தராசு




நிதிக்கு பின் 
நீதி
முள் ஊசல் ...!



முள்ளில் ரோஜா - # 14


பெண்ணின் பருவம் 

பருக்கள் 

மலரின்  பருவம் 

பனித்துளிகள் 

இறைவன் விதியால் 

இரண்டும் முரண் படுகிறது 

என் பருக்கள் மரணம் 

உன் பருக்கள் ஜெனனம் ...!


முள்ளில் ரோஜா - # 13


மணம் காணாவிடில்

மகரந்த தாலாட்டில் 

மாலையாகிறேன் !

மனம் வருட வரும் 

வண்டுகளுக்கு 

தாய்ப்பால் தந்த தாயாகிறேன் !

ஆம்! என்னைப் போல் 

இந்த மண்ணில் எத்தனையோ 

வெள்ளை ரோஜாக்கள் 

அன்பு பாலூட்டுகிறார்கள் ...! 

இதற்கு முன்னாள் 

நான் வெறும் சருகுகள் தான்...!


அனைவருக்கு கிருத்துமஸ் நல்வாழ்த்துக்கள்



பாவ அறிக்கை 
பதில் கேட்கும் நேரம் 
சாபங்கள் நீங்கி 
சமாதானமானோம் 
அவரவர் தெய்வங்கள் முன் 
அதன் வரலாறு இதோ! 

இறந்தவர் உயிர்த்தெழுந்தார் 
இயேசு ஆனார் 
இயற்கைகள் உயிர்த்தெழுந்தது 
பொங்கலானது 

இதயம் புதிதாய் 
உயிர்த்தெழுந்தால் போதும் 
இன்பமே இல்லமாகும் 
என்றது என் கவிதை 
அனைவருக்கும்‌ கிருத்துமஸ் நல்வாழ்த்துக்கள்

மரணிக்கவில்லை...!



மனதால் கொன்றாலும் 
என் மைவிழி நீர்கள் 
மரணிக்கவில்லை

ஒரு வேளை மரணித்திருந்தால்
அழுகிய நாற்றத்தில் என் 
ஆருயிர் வேறொரு 
காதலைத் தேடியிருக்காது !



முள்ளில் ரோஜா - # 12


கிளையை மறந்ததால்

மலருக்கு மரண தண்டனை

ஆம் ...

மருமகள் சுருக்கில் மாமியார்

நார் மட்டும் மிச்சமில்லை

நாற்றமும் தான் ...!


முள்ளில் ரோஜா - # 11




என்னை வளர்க்கும் 
வரைமுறை தோட்டத்திற்கும் 

வாரி அணைக்கும் 
காதலர்களுக்கும் 

வாழ்வைத் தேடும் 
திருமணத்திற்கும் 

தேடிக் கொடுக்கும் 
கோவில்களுக்கும் 

திரும்பா பயணத்திற்கும்  
உபயோகிக்கும் உள்ளங்களே 

உங்களில் யாரவது உள்ளீர்கள்  
உண்மை உளவாளியாக ...!


முள்ளில் ரோஜா - # 10



ஊழல் ...

பூவிலிருந்து

பூஜ்யம் வரை என்று

புரிந்ததால் தானோ

என்னவோ

மறு பொழுதுகள்

விடியும் முன்

பூமிக்கு இரையாகிறேன்

புண்ணியத்தைச்  சேர்க்க ...!

முள்ளில் ரோஜா - # 9



நீரூற்றியவனுக்கு

நினைவுகள் சொந்தம்

உரமிட்டவனுக்கு

உணர்வுகள் சொந்தம்

இடைப்பட்ட தருணத்தில்

எனக்கிட்டப் பெயர்

சிசுக் கொலை !

முள்ளில் ரோஜா - # 8


ஏழு வண்ணங்களில்

எழுந்து நிற்கிறேன்

ஆனால் ...

இறைவன் எழுதிய விதியோ

ஓர் நாள் என்றாலும்

எத்தனையோ தியாகங்கள் முடிவில்

இளைப்பாறுகிறேன்

இதயமற்ற ஆண்களுக்கு

இல்லற ராணியாக...!


முள்ளில் ரோஜா - # 7



கற்பத்தில் 

அறுந்த மலர்கள்

வருந்தும் உலகில்

விருந்தோம்பலாய்

உரிமைப் போராட்டத்தில்

உலவுகிறது வீதியில்

வாழ் நாள் அநாதையாக ...!



பணம் < ? > பிணம்











என்னடா இது இன்று எல்லோரும் அதிசியமான நாள் என்று கூறுகிறார்கள் நீங்கள் பணமா ? பிணமா? என்று பேசுகிறேர்கள் என்று நினைக்கலாம் இருந்தும் ஏதோ என் சிற்றறிவுக்கு தோன்றியதை உங்களுடன் பகிர்ந்துகொள்கிறேன் .

மனித  வாழ்வில் முக்கியப் பங்கு வகிப்பது பணம் .
இந்தப் பணம் இல்லை என்றால் வாழ்க்கையே இல்லை என்று தான் அர்த்தம் .
ஆம் இன்றைய சூழலில் பணத்திற்காக யார் யார் என்ன என்ன செய்கிறார்கள் என்று பார்க்கலாம் 

பணக்காரன் தன் பணத்தை பெருக்கிக்கொள்ள போராடுகிறான் 
ஏழை அதே பணத்திற்காக தன் வயதை பொருக்கிக்கொள்ள போராடுகிறான். 

இரண்டிற்கும் நடுவில் இருப்பது (?பிஒரே ஒரு கேள்விக்குறி தான் இந்தக் கேள்விகுறி எப்போது எங்கு மாறும் என்று இறைவனுக்கு தான் தெரியும் அதற்கிடையில் எத்தனை போராட்டங்கள்... 

அது மட்டுமா! அடிதடி, கொலை,கொள்ளைகள், கற்பழிப்பு, திருட்டு என்று பாவங்கள் பெருகிக்கொண்டே செல்கிறது உலகில். இதற்கு மூல காரணம் பணம் இல்லை என்றால் நீ பிணம் என்று மிரட்டல்கள் வந்து கொண்டே தான் இருக்கிறது பேப்பரில், அதையும் படித்துவிட்டு அதே பணத்திற்காக ஓடித் திரிகிறோம்  உறங்காமல் என்ன ஒரு கொடுமை சற்று யோசியுங்கள்.

எத்தனையோ உயிர்கள் ரோட்டிலும் காட்டிலும் பசிக்காக தங்கள் ரத்தத்தை உழைப்பாக்கி வியர்வையை முதலாக்கி நோயை வெற்றியாகக் கொண்டு வாழ்கிறார்கள்  நம் மண்ணில். இந்த நிலை மாறவேண்டும் என்றால் இருப்பவர்கள் இல்லாதவர்களுக்கு உதவுவதை விட உவத்திரியம் செய்யாமல் இருந்தாலே போதும் என்று நினைக்கிறன்.

எப்படி என்றால் :-

வரி ,வட்டி, காப்பீடு அனைத்தும்  ஓர் ஏழையின் உறிஞ்சலில் கட்டும் சொத்துக்கள் அது மட்டுமா? விளம்பரம், போட்டிப் பரிசித் தொகைகள் இப்படி சொல்லிக்கொண்டே போகலாம் இதை தவிர்த்து ஞாயமான முறையில் பொருட்களை வாங்கவோ விற்கவோ செய்தால் போதும் ஏழைகளும் எல்லா வசதிகளையும் பெற்று விட ஒரு வாய்ப்பாக இருக்கும் என்று நினைக்கிறன்.   

தனியொருவனுக்கு உணவில்லையெனில் , ஜகத்தினை அழித்திடுவோம் என்று  பாரதி சொன்னார் . அதை தான் நான் சுருக்கமாக "பணம் < ? > பிணம்" என்ற நோக்கில்  பிறந்தோம் வளர்ந்தோம் பசிக்காக பணத்தை நுகர்ந்தோம் அப்பணமே இறுதியில் நெற்றிப் பொட்டாக  வெட்டியான் கைக்கு செல்கிறது.மீண்டும் மறு சுழற்சி முறையில் எங்கோ முடிவில்லா தண்டவாளம் போல் போய்க்கொண்டே இருக்கும். இடையில் இருப்பது வெறும் மண் தான் மனிதா மாறு உன் மரணம் முடியும் வரை ! அப்படியாவது நம் பூமியும் பொன்னாகட்டும் .

நன்றிகள் !

சூப்பர் ஸ்டார் ரஜினியின் பிறந்த நாள் வாழ்த்துகள் - 12.12.12



கல்வியின் எல்லைப் பன்னிரண்டு உன் 
கருவறைப் பிறப்போ அதிலுண்டு 

எண்ணிய முட்கள் பன்னிரண்டு இறைவன் 
எழுதிய விதியோ பல நூறாண்டு  

குருஞ்சிப் புன்னகைச் சிரிப்பாலே திரைக்  
குலம் செழித்த மன்னவனே  நீ 

பன்னிரண்டு ராசிகளின்  படையப்பா என்றும் 
பல்லாண்டு பல்லாண்டு வாழ வாழ்த்துகிறோம் 
நாங்கலப்பா .. !



கடலுக்கு சுத்தம் அலைகள் 
கடவுளின் சித்தம் நீங்கள் 

பிறப்புக்கும் உயிருக்கும் 
அர்த்தமானாய் என்றும் 
பேர் போற்றும் உலகிற்கு 
வெளிச்சமானாய் 

பன்னிரண்டு பன்னிரண்டு பன்னிரண்டு 
கூட்டி மாற்றினால் உன் வயதுண்டு

இனிதுண்டு வாழும் நாட்கள் எல்லாம் 
இமையம் கண்டு செழித்திடவே 

தமிழ் மொழி கொண்டு வாழ்த்துகிறேன் 
தரணியின் கண்கள் சுத்திப்போடவே

போராளித் துளிகள் ...!


எந்த தேசத்தின்
 புண்ணியத் தீர்த்தமோ
 எங்கள் மண்ணின்
 புனிதம் காக்க
 போராடுகிறது போராளியாக ...!


முள்ளில் ரோஜா - # 6



வாலிபத்தின் போதை காதல் 

வாழ்க்கையின் பாதை சாதல் 

இரண்டிற்கும் நடுவில் 

இதழ்கள் மட்டுமே பேசுகிறது 

வரதட்சணையா ? வாரிசா ? 

இறுதியில் நீதிபதிக் கூண்டில் 

ஒற்றை ரோஜா...!

முள்ளில் ரோஜா - # 5



இதயம் இரண்டானாலும் 

பயணம் ஒன்றானது 

இறங்கிவிட்டோம் 

எதிரில் எதிரிகள் கூட்டம் 

தாலியா ? மோதிரமா ?

தரித்திரத்தில் பிரிந்தது  காதல்.. !

முள்ளில் ரோஜா -# 4



அம்பு பாயிந்த இதயத்தில் 

எவரோ ஊசி தைத்ததால்  

ஒழுகும் இரத்தத்தில் தெரிவதில்லை

ஜாதி வெறி !




முள்ளில் ரோஜா - # 3



உலக அழகியாய்  

உயிர்த் தெழுகிறேன் 

ஒரே கிளையில் 

ஓடி ஒளியும் காதலர்களுக்கு 

உவமை சொல்ல..!


முள்ளில் ரோஜா - # 2



காதல் 

விரல் பட்ட பரவசத்தில் 

உதிர்ந்து கிடக்கிறது இதழ்கள் 

தோல்வியா ? வெற்றியா ?

புரியாமல்..!


முள்ளில் ரோஜா - # 1



தூங்கவில்லை வேர்கள் 

துளிர் விடத் துவங்கியது 

இலைகள் ...

முள்ளில் ரோஜா !!!


சூரியனைப் பெண் பார்க்கவா ...!


வளியாத இரவுமில்லை 
அழியாத உயிருமில்லை 
உலகில்...

நிலவே வழியாக 
செல்லும் பாதைக்கு 
நீ ...

ஒளியாக மட்டும் 
வந்தால் போதுமே 
என்று 

பகல் நடப்பு 
செய்கிறாயோ !
ஏன் ?
சூரியனைப் 
பெண் பார்க்கவா ..!




ஹைக்கூ தீபாவளி



நட்சத்திரங்கள்
பூமிக்கு வருகை
தீபாவளி !


வீதியில் கடையடைப்பு
வீட்டினில் கடை திறப்பு
தீபாவளி !


எம்மதமும்
சம்மதம்
பட்டாசு சத்தத்தில் !

தீபாவளி - ஜோக்ஸ்



டேய் மச்சான் இந்த தீபாவளி தான் புகையே இல்லாம போனது


எப்படிடா ....






ஏன் பொண்டாட்டி அடி சரவெடியா இருந்துல அதான்





ஹாஹாஹாஹா....






விடுதிப் பூ...!


நான் நிலாவானேன்
உலாவரும் தீபாவளியில்
விடுதிப் பூவாய்

புத்தாடை வாசமில்லை
பலகாரப் பாசமில்லை

வெற்றாடை கோலத்தில்
வெண் மேகத்தை கண்டேன்

அங்கே ...
அழகு பட்டாசுகள்
ஆடை விரித்தன

கோடை வெயில் போல்
கோலமிட்டன

ஜாடைகள் காட்டி என்னை
சமாதானப்படுத்தியது
நச்சதிரங்கள்

ஆஹா இதோ பார்
உன் பெற்றோர்கள்
உலா வருகிறார்கள்
பின் ஏன் கண்களில்
கண்ணீர் துளிகள்

உனைப் போல்
எண்ணற்றத் துளிகள்
இங்கே வண்ணங்கள் கொண்டு
வாழ்கிறது உன் வருகையும்
அதே போல் வளரட்டும்

என் வான் மகளே
இனி உனக்கு
வரும் நாலெல்லாம்
தீபாவளியே !

mhishavideo - 145